ایران پر دباؤ کی امریکی پالیسی ناکام ہوگئی،حسن روحانی

ایران مخالف پابندیوں سے دشمنوں کو کچھ بھی حاصل نہیں ہوا
تہران (نیوز ڈیسک) ایرانی صدر حسن روحانی نے کہا ہے کہ امریکا کی زیادہ سے زیادہ دباؤ کی پالیسی کوئی بھی ہدف حاصل کرنے میں ناکام ہوگئی اگرامریکا ایٹمی معاہدے میں واپس آجائے اور پابندیاں ختم کردے تو اس سے مذاکرات کا سوچاجاسکتا ہے،تہران میں پرہجوم نیوزکانفرنس سے خطاب میں ایرانی صدر نے کہا کہ ایران مخالف پابندیوں سے دشمنوں کو کچھ بھی حاصل نہیں ہوا اورامریکی حکام آج اس نتیجے پر پہنچ گئے ہیں کہ انہوں نے پابندیوں کا جو راستہ اپنایاتھا وہ غلط تھا، امریکی حکام یہ سمجھ رہے تھے کہ وہ ایران پر زیادہ سے زیادہ دباؤ ڈالنے کی اپنی پالیسی کو آگے بڑھا کر ہمیں اپنی مرضی کے مذاکرات کی میز پر لانے پر مجبور کردیں گے لیکن یہ نا ممکن ہے،انہوں نے کہا کہ پوری دنیا یہ جانتی ہے کہ علاقے میں امن و استحکام ایران جیسی علاقے کی بڑی طاقت کی شراکت کے بغیر قائم نہیں ہوسکتا، سعودی عرب یمن پر اپنی جارحیت بند کردیتا ہے تو مذاکرات کے لئے ماحول زیادہ سازگار ہوسکتا ہے۔