اٹلی جانے کی کوشش، مزید 28 پاکستانی جان سے گئے

روم: پاکستانی اشرافیہ نے قوم کو مستقبل سے مایوس کردیا۔ نوجوان اچھے مستقبل کیلئے ملک چھوڑنے کی خاطر موت کے منہ میں جانے لگے۔ اٹلی کے ساحل پر حادثے کے شکار بحری جہاز کے ڈوبنے سے جاں بحق 28 پاکستانیوں کی لاشیں بھی نکال لی گئیں جو جان ہتھیلی پر رکھ کر اٹلی پہنچنے کی کوشش کررہے تھے لیکن انسانی اسمگلز نے انہیں موت کی وادی میں پہنچادیا۔ حادثے میں 59 افراد کی ہلاکت کی تصدیق ہوئی ہے جبکہ امدادی ٹیموں نے اسی سے زائد افراد کو بچالیا۔ افسوسناک واقعہ اٹلی کے ساحلی قصبے کروٹون کے قریب پیش آیا۔ اطالوی وزیرداخلہ کے مطابق ایران، پاکستان اور افغانستان سے تارکین وطن کو لانے والا چھوٹا جہاز خراب سمندری موسم کے دوران چٹانوں سے ٹکرا گیا۔ جس سے جہاز دو ٹکڑے ہوگیا اور تارکین سمندر میں جاگرے۔ مرنے والوں میں بارہ بچے بھی شامل ہیں۔ امدادی کارکن نے بتایا کہ تارکین وطن کی کشتی میں بہت زیادہ افراد سوار تھے۔