انسداد دہشت گردی عدالت مخالفین کیخلاف سعودیہ کا ہتھیارہے، ایمنسٹی

عدالت،صحافیوں اور ناقدین کے خلاف استعمال کی جارہی ہے
لندن(نیوز ڈیسک)سعودی عرب میں انسداد دہشت گردی کی خفیہ عدالت پرامن ناقدین، کارکنوں، صحافیوں، علماء اور دوسرے مکتبہ فکر کے افراد کے خلاف جبر کا ہتھیاربن چکی ہے، ایمنسٹی انٹرنیشنل نے اپنی 53 صفحات پر مشتمل رپورٹ میں واضح کیاہے کہ خفیہ عدالت میں ہونے والے ٹرائلز انصاف کا مذاق ہیں اور اس کے ججز ان افراد کی آواز دبانے کو تیار ہیں جو بولنے کی ہمت رکھتے ہیں،ایمنسٹی نے 2011 سے 2019 کے دوران 95 افراد کے کیسز کو درج کیا جس میں 68 شیعہ تھے جن پر زیادہ تر حکومت مخالف مظاہروں میں شرکت کی وجہ سے مقدمات بنائے گئے بقیہ 27 افراد کو ان کے سیاسی طور پر متحرک ہونے کی وجہ سے مقدمے کا سامنا کرنا پڑا، ان کا مزید کہنا تھا کہ سعودی حکومت خصوصی عدالت کو انسداد دہشت گردی قانون سے ناقدین کو خاموش کروانے کے لیے ایک قانونی جواز فراہم کرنے کے لیے استعمال کر رہی ہے۔