امریکی الزامات عدم استحکام پھیلانے کی سازش ہیں،حزب اللہ

 امریکی عہدیدار وں کے پاس کوئی وجہ نہیں ہوتی تو بے بنیاد الزامات لگاتے ہیں
بیروت (نیوزڈیسک) لبنانی پارلیمنٹ میں حزب اللہ کے رکن ابراہیم الموسوی نے امریکی نائب وزیر خارجہ کے بیان پر ردعمل میں کہا ہے کہ امریکی عہدیدار وں کے پاس جب کوئی وجہ نہیں ہوتی تو وہ بے بنیاد الزامات لگاتے ہیں اور یہ بات ہر ایک پر واضح ہے، ڈیوڈ ہل کے ریمارکس لبنان کی خودمختاری کے تحفظ، دفاع اور آزادی کے میدان میں حزب اللہ کی کامیابی کو برداشت نہ کرنے کی وجہ سے ہمیشہ کی طرح عدم استحکام پیدا کرنے ، بہتان اور ناراضی سے بھرے ہوئے تھے ، یہ امریکی حکومت ہے جس نے صہیونی حکومت لبنان کے دشمن کو ہر طرح کے مہلک اور جدید ہتھیاروں سے آراستہ کیا ہے،ا ڈیوڈ ہل نے صدر میشل عون سمیت لبنانی عہدیداروں سے ملاقات میں حزب اللہ کے خلاف الزامات عائد کیے اور اس کی سرگرمیوں کو غیر قانونی قرار دیا