Raza Musani 
بغداد : امریکا اور عراق نے فوجیوں کی تعداد میں کمی کا معاہدہ کرلیا، اگلے ماہ سے فوجی انخلا شروع ہوجائے گا، بغداد میں امریکی اور عراقی حکام پر مشتمل اعلیٰ سطح کا سیکیورٹی اجلاس منعقد ہوا،اجلاس میں طے پایا کہ عراق کی تجویز پر اربیل اور عین الاسد فوجی اڈوں پر تعینات امریکی اور اتحادی فوج کی تعداد کم کی جائے گی اور یہ کام اکتوبر میں شروع ہوجائے گا، اجلاس میں طے کیا گیا کہ عراقی اور امریکی فریق اتحادی قیادت کی سطح کو ہیڈ کوارٹر سے لیفٹیننٹ کرنل کے عہدے والے ہیڈ کوارٹرتک لائیں گے، دونوں فوجی اڈوں سے نفری کی تعداد کم کرنے کا فیصلہ ایک ایسے وقت میں کیا گیا ہے جب دونوں اڈے گذشتہ کچھ عرصے سے عراقی ملیشیاؤں کے حملوں کا نشانہ بن چکے ہیں، یہ معاہدہ عراقی وزیر اعظم مصطفیٰ الکاظمی کی نگرانی میں امریکا اور عراق کے اسٹریٹجک ڈائیلاگ کے آغاز سے ایک مہینہ پہلے طے پایا گیا ہے۔
