اسرائیل ناجائز یہودی ریاست،آزاد فلسطین فلسطینیوں کا حق ہے، پیر معصوم نقوی

فلسطین کی تقسیم کے منصوبے کو تسلیم کر نے والے مسلم ممالک کی غیرت ِدینی ختم ہو چکی ہے
لاہور(پ ر)جمعیت علمائے پاکستان کے سربراہ قائد اہل سنت پیر سید محمد معصوم حسین نقوی نے فلسطین کے لیے امریکی امن منصوبے پر تنقید کرتے ہوئے کہا ہے کہ علیحدہ ریاست فلسطینیوں کا حق ہے۔ امریکا یا کسی اور ملک کو فلسطینیوں کے مستقبل کا فیصلہ کرنے کا اختیا ر نہیں۔ فلسطین پر اقوام متحدہ کی قراردادیں موجود ہیں۔ اسرائیل ناجائز یہودی ریاست ہے، اسے کسی غیرت مند مسلمان نے تسلیم کیا اور نہ ہی امت مسلمہ کسی منصوبے کو تسلیم کرے گی۔ جو مسلمان ممالک فلسطین کی تقسیم کے منصوبے کو تسلیم کر رہے ہیں،ان کی غیرت ِدینی ختم ہو چکی اور ہم ان کی شدید مذمت کرتے ہیں اور واضح کرتے ہیں کہ یہ ڈرپوک ممالک امریکااور اسرائیل کے ظالمانہ اقدامات کاشکار ہوں گے۔