کورونا وائرس امریکی لیب میں تیار کرکے پھیلایا گیا ،روس

ویکسین کی طرح وائرس پھیلانے کا مقام بھی ڈھونڈ لیں گے
 ماسکو(نیوز ڈیسک) روسی پارلیمنٹ دوما کے اسپیکر ویاچسلاو ¿ ولودین نے کورونا کیلئے امریکا کو ذمہ دار قراردے دیا ،انہوں نے کہاکہ کورونا وائرس سب سے پہلے چین کے شہر ووہان میں پایا گیا لیکن یہ وائرس جس لیب سے لیک ہوا ہے وہ امریکا کی ہے ، اس لیب کا بجٹ بھی امریکی حکام فراہم کرتے ہیں ، انہیں یقین ہے کہ روسی سائنسداں جس طرح کورونا کی موثر ویکسین تیار کرنے میں کامیاب ہوئے ہیں اسی طرح وہ اس بات کا تعین کرنے میں بھی کامیاب ہوں گے کہ کورونا کہاں سے پھیلا ہے اور یہ وائرس قدرتی طور پر وجود میں آیا ہے یا لیب میں تیار کیا گیا ہے،انہوںنے کہا کہ روس میں کورونا وائرس چین سے نہیں بلکہ یورپی ملکوں سے پہنچا ہے ،ان یورپی ملکوں کو جہاں سے یہ وائرس روس پہنچا ہے، روس میں انسداد کورونا مہم پر آنے والے تمام اخراجات اور تاوان ادا کرنے کے لئے تیار رہنا چاہئے