کابل ائیرپورٹ پر دھماکے، 90 سے زائد ہلاک، 13امریکی فوجی شامل، درجنوں زخمی

کابل : کابل ائیرپورٹ حملے میں مرنے والوں کی تعداد 90 تک پہنچ گئی،جس میں 13 امریکی فوجی، مرد خواتین اور بچے شامل ہیں، دھماکوں میں 150 سے زائد افراد زخمی ہوئے، کالعدم دہشت گردی تنظیم داعش نے دھماکوں کی ذمہ داری قبول کرلی ہے، میڈیا رپورٹس کے مطابق پہلا دھماکا ایئرپورٹ کے ایبے گیٹ پر ہوا جب کہ دوسرا دھماکا بیرن ہوٹل کے قریب ہوا جو کہ ایبے گیٹ سے کچھ ہی فاصلے پر واقع ہے، جہاں گزشتہ 12 روز سے ہزاروں افراد ملک سے نکلنے کے لیے جمع ہیں، عینی شاہدین کے مطابق دھماکے کے وقت ائیرپورٹ سے متصل نالے میں شہریوں کی بڑی تعداد موجود تھی جو کہ وہاں اپنے کاغذات کی جانچ پڑتال کرانا چاہ رہے تھے، اس دوران ایک خود کش حملہ آور نے خود کو دھماکے سے اڑا لیا جبکہ ایک اور حملہ آور نے فائرنگ شروع کردی، ایک دن پہلے ہی امریکا، برطانیہ اور آسٹریلیا نے اپنے شہریوں کو کابل ایئرپورٹ کے قریب جانے سے منع کیا تھا۔