پینسل کاسبق

ٹیجر نے کلاس کا آغاز کرتے ہوئے اپنی جیب سے ایک پینسل نکالی اور تمام طلبا کو دکھاتے ہوئے کہا:
”آج کا سبق آپ اس پینسل سے سیکھیں گے۔۔۔پینسل میں پانچ باتیں ایسی ہیں جو ہم سب کے لیے جاننی ضروری ہیں!“
وہ کیا سر….؟؟سب نے تجسس سے پوچھا۔
پہلی بات:یہ پینسل عمدہ اور عظیم کام کرنے کے قابل اس صورت میں ہوسکتی ہے، جب وہ خود کو کسی کے ہاتھ میں تھامے رکھنے کی اجازت دے۔
دوسری بات:ایک بہترین پینسل بننے کے لیے وہ بار بار تراشے جانے کے تکلیف دہ عمل سے گزرتی ہے۔
تیسری بات:وہ ان غلطیوں کو درست کرنے کی اہلیت رکھتی ہے،جو اس سے سرزد ہوسکتی ہیں۔
چوتھی بات:یہ پینسل کا سب سے اہم حصہ ہمیشہ وہ ہوگاجو اس کے اندر یعنی اس کے باطن میں ہوتا ہے۔
اور پانچویں بات:پینسل کو جس سطح پر بھی استعمال کیا جائے،وہ لازمی اس پر اپنا نشان چھوڑ جاتی ہے۔چاہے حالات کیسے ہی ہوں۔
”اب اس پینسل کی جگہ آپ اپنے آپ کو لے لیں۔“
آپ بھی عمدہ اور عظیم کام کرنے کے قابل اسی صورت میں ہوسکتے ہیں،جب آپ خود کو اپنے استادیا راہنما کے ہاتھوں میں تھامے رکھنے کی اجازت دیں۔
دوسری بات:آپ کو بھی باربار تراشے جانے (یعنی مشکل کام،محنت،ہمت وغیرہ)جیسے مراحل سے گزرنا پڑے گا۔ یہ مراحل دنیا میں زندگی کے مختلف مسائل کی صورت میں آپ کے سامنے آئیں گے، ایک مضبوط فرد بننے کے لیے آپ کو ان مسائل کااچھے طریقے سے سامنا کرنا ہوگا۔
تیسری بات:یہ کہ اپنے آپ کو ان غلطیوں کو درست کرنے کے قابل بنائیں جو آپ سے سرزد ہوسکتی ہیں۔
چوتھی بات: ہمارا سب سے قیمتی اثاثہ ہمارے اندر ہے،ہمارا باطن ہے،ہمیں اسے گناہوں اورگندگیوں سے بچانا ہے۔
پانچویں بات: آپ جس سطح پر سے بھی گزر کر جائیں،آپ اپنے نشان ضرور چھوڑ جائیں۔چاہے حالات کیسے ہی کیوں نہ ہوں۔اس یقین کے ساتھ زندگی بسر کریں کہ اس دنیا کو آپ کی ضرورت ہے،کیونکہ کوئی شے بھی فضول اور بے مقصد نہیں ہوتی۔