پوپ فرانسس کو یمن و شام کے بچے یاد آہی گئے

بچوں کی صورتحال سے انسانی ضمیر کو اب تو بیدار ہو جانا چاہئے،پوپ
ویٹی کن سٹی (نیوز ڈیسک) کیتھولک عیسائیوں کے پیشوا پوپ فرانسس نے کہا ہے کہ عراق، شام اور یمن کے جنگ زدہ بچوں کی صورتحال سے انسان کے ضمیر کو اب تو بیدار ہو جانا ہی چاہئے ، کرسمس کے مو قع پر خطاب میں پوپ فرانسس نے کہا کہ جنگ میں سب سے زیادہ نقصان بچوں کو اٹھانا پڑتا ہے اس کی واضح مثال عراق، شام اور یمن کے معصوم بچے ہیں جو جنگ کی قربانی بن رہے ہیں، ان معصوم بچوں کی صورتحال سے ہم بڑوں کے ضمیروں کو بیدار ہونا چاہئے، ہمیں جنگ زدہ افراد کی مدد کو آگے بڑھنا چاہئے،انہوں نے کورونا وبا کا ذکر کرتے ہوئے کہا کہ یہ وبا ایسی ہے جو جغرافیائی سرحدوں تک محدود نہیں انہوں نے ایسے ممالک کو شدید تنقید کا نشانہ بنایا جو کورونا وائرس کی ویکسین پر تسلط قائم کرنا چاہتے ہیں، ایسا کرنے سے پوری دنیا سے کورونا کے مکمل خاتمے کا منصوبہ کامیاب نہیں ہو پائے گا۔