پاکستانی اورایرانی اسپیکر میں صیہونی جارحیت پر رابطہ

دونوں رہنماو ¿ں کاعالم اسلام کے درمیان اتحاد اور یکجہتی کی ضرورت پر زور
اسلام آباد(نیوز ڈیسک) قومی اسمبلی کے اسپیکر اسد قیصر نے ایرانی پارلیمنٹ کے اسپیکر محمد باقر قالیباف سے ٹیلی فونک رابطے کے دوران دنیائے اسلام اور مسلمانوں کے مسائل کے حل میں ایران کے اہم کردار پر تبصرہ کرتے ہوئے فلسطینی عوام کی حمایت اور صیہونی ریاست کیخلاف جنگ میں اتحاد پر زور دیا ، پاکستانی اسپیکر نے غزہ میں صیہونی ریاست کے حملوں کی شدت سے مذمت کرتے ہوئے فلسطین کی حمایت اور ناجائز صیہونی ریاست کے جرائم سے نمٹنے پر عالم اسلام کے درمیان اتحاد اور یکجہتی کی ضرورت پر زور دیا،انہوں نے اپنے ایرانی ہم منصب کو پاکستان قومی اسمبلی میں فلسطینیوں کیساتھ اظہار یکجہتی اور مسجد اقصی پر اسرائیلی بربریت کیخلاف متفقہ قرارداد منظور کرنے کی وضاحت کرتے ہوئے کہا کہ ہم غزہ پٹی کیخلاف جارحیت اور فلسطینی عوام کے قتل پر بین الاقوامی تنظیموں کی خاموشی کی شدت سے مذمت کرتے ہیں