متنازع شہریت قانون کیخلاف بھارت میں احتجاج

کئی ریاستوں میں دھرنوں،مظاہروں اور ریلیوں کا سلسلہ جاری
نئی دہلی (نیوز ڈیسک) بھارت میں متنازع شہریت قانون کے خلا ف مظاہروں، دھرنوں اور ریلیوں کا سلسلہ جاری ہے، دہلی کے سیلم پور، جعفرآباد، ترکمان گیٹ، بلی ماران، جامع مسجد اور نظام الدین سمیت سینکڑوں مقامات پر مظاہرے کئے گئے، لکھنؤ کے علاقے حسین آباد میں گھنٹہ گھر کے سامنے بھی خواتین کا مظاہرہ کیا، دہلی کے شاہین باغ میں تقریبا ڈیڑھ مہینے سے دھرنے پر بیٹھی خواتین سے اظہار یک جہتی کے لئے آٹھ ریاستوں کی خواتین شاہین باغ پہنچی ہیں، ریاست اترپردیش کے شہر الہ آباد میں بھی خواتین کا دھرنا اور علی گڑھ مسلم یونیورسٹی علی گڑھ کے طلبا کے مظاہرے جاری ہیں، بہار، آسام، جھارکھنڈ، مغربی بنگال، مہاراشٹر، مدھیہ پردیش، آندھرا پردیش، تلنگانہ، کیرالا سمیت ملک کی دیگر سبھی ریاستوں میں عوام سڑکوں پرنکل کر شہریت قانون سے اظہار برات کررہے ہیں۔