سوشل میڈیا سے گستاخانہ مواد ہٹانے کا مستقل حل طلب

اسلام آباد : اسلام آباد ہائی کورٹ نے سوشل میڈیا سے گستاخانہ مواد ہٹانے کا مستقل حل طلب کرلیا، اسلام آباد ہائی کورٹ میں کیس کی سماعت کے دوران جسٹس عامر فاروق نے ریمارکس دئے کہ معاملے کا مستقل حل نکالنے کا حکم دیا لیکن کچھ نہیں ہوا۔ جب تک مستقل حل نہیں نکالا جائے گا کیس ختم نہیں ہوگا۔ آج کیس نمٹایا تو آپ لوگ اس شکایت کی حد تک کچھ کرکے بیٹھ جائیں گے، مسلمان ہونے کے ناطے گستاخانہ مواد کسی صورت قبول نہیں۔ کیا آزادی رائے کے نام پر اسے چھوڑا جا سکتا ہے؟ ہر مسلمان کو حضور(ص) سے محبت ہے اسی لیے کہا مسئلہ کا مستقل حل نکالیں۔ ایک بھی اکاؤنٹ ہو یا لنک۔ اسے ختم کریں ، عدالت نے ڈائریکٹر ایف آئی اے کے جواب پر کہا ہمارے ساتھ بیوروکریسی کی طرح نہ کھیلیں، آپ کے نئے ڈی جی آ گئے ہیں ان کا پہلا وزٹ یہاں کا کرا لیتے ہیں۔عدالت نے ایڈیشنل ڈی جی ایف آئی اے اور ڈی جی ویجیلینس پی ٹی اے کو ذاتی حیثیت میں طلب کرتے ہوئے سماعت 22 جون تک ملتوی کردی۔