Ilyas 
جبہة النصرہ اور وائٹ ہیلمیٹس نے حال ہی میں زہریلے اور کیمیائی مادوں سے بھرے 6 کنٹینر ادلب کے علاقے جسر الشغور میں منتقل کردئے،روسی عہدیدار
دہشت گردوں کا مقصد تھا کہ حملے کر کے الزام حکومت پر دھریں او رعالمی دباو بنا کر انتخابات کے عمل کو متاثر کریں لیکن وہ اپنے مقصد میں کامیاب نہیں ہوسکے
دمشق (نیوز ڈیسک) دہشت گردوں نے ایک بار پھر شام کے شہر ادلب میں کیمیائی حملے کا منصوبہ بنا لیا، جبہة النصرہ اور وائٹ ہیلمیٹس نے حال ہی میں زہریلے اور کیمیائی مادوں سے بھرے 6 کنٹینر ادلب کے جسر الشغور نامی علاقے میں منتقل کئے ہیں ،اس بات کا انکشاف روسی مرکز برائے صلح و آشتی کے نائب سربراہ ایڈمیرل الکسانڈر کارپوف نے ایک بیان میں کیا ،انہوں نے کہاکہ دہشت گردوں نے صدارتی انتخابات سے قبل کیمیائی حملہ کرنے کا منصوبہ بنایا تھا ، ادلب پہنچائے گئے کنٹینرز میں ممکنہ طورپر کلورین گیس بھری ہوئی ہے ، انہوں نے کہا کہ دہشت گردوں کا مقصد تھا کہ صدارتی انتخابات سے قبل کیمیائی حملے کر کے اس کا الزام بشار اسد حکومت پر دھریں اور اس طرح اپنے خیال میں عالمی دباو بنا کر انتخابات کے عمل کو متاثر کریں، انتخابات سے قبل وہ اپنے منصوبے میں کامیاب نہیں ہوسکے۔
