خطے میں مزاحمت کا محور تیزی سے پھیل رہا ہے، شیخ عبداللہ

قدس کو واپس لے کر اس کے اصل مالکان اور مسلمانوں کو واپس کردینا چاہئے
مناما (نیوز ڈیسک) بحرین کے مجاہد اسکالر شیخ عبداللہ نے کہا ہے کہ خطے میں مزاحمت کا محور تیزی سے پھیل رہا ہے اور اعلی فوجی اور روحانی طاقت کے حصول میں ہے ، قدس کی دوسری بین الاقوامی کانفرنس سے خطاب میں شیخ عبداللہ نے اسرائیل کے وجود کو یقینی بنانے کے لئے مغربی ممالک کی کوششوں کا ذکر کرتے ہوئے کہا کہ خطے میں اسلامی جمہوریہ ایران اور مزاحمت کا محور بہت مضبوط اور قابل احترام ہیں ،یوم القدس کا تعلق تمام مسلمانوں سے ہے اور تمام اسلامی اقوام کو اس عظیم دن کو منانا چاہئے اور امام خمینی(رح) نے اس عالمی دن کے قیام کے ساتھ تمام مسلمانوں بلکہ دنیا کے تمام آزادی پسندوں سے بیت المقدس اور فلسطین کے مسئلے پر توجہ مرکوز کرنے کا بھی مطالبہ کیا ہے شیخ عبداللہ نے قدس کی سرزمین کو بہت معزز قرار دیتے ہوئے کہا کہ زبردستی سے مسلمانوں کی سرزمین پر قبضہ کر لیا گیا ہے لہذا ہمیں لازمی طور پر قدس کو واپس لے کر اس کے اصل مالکان اور مسلمانوں کو واپس کردینا چاہئے، شام کے سنی مفتی نے کہا ہے کہ بلاشبہ اگر القدس اور فلسطین صہیونیوں کے ہاتھ میں ہوئے تو اس سے پوری انسانیت کو خطرہ لاحق ہے۔