ایران کیخلاف یکطرفہ پابندیاں فوری منسوخ کی جائیں،چین

متعلقہ ممالک کی مرضی کے بغیر بیرونی میکانیزم مسلط کرنے کاکوئی نتیجہ نہیں نکلتا
بیجنگ (نیوز ڈیسک) چین نے ایران کے خلاف یکطرفہ پابندیاں فوری طور پر منسوخ کرنے کا مطالبہ کردیا، اقوام متحدہ کے انسانی حقوق کونسل کے اجلاس میں چینی وزارت خارجہ کی خصوصی نمائندہ لیو ھوآ نے جنیوا میں میں ایٹمی سمجھوتے کے تمام فریقوں بالخصوص امریکاسے مطالبہ کیا کہ وہ ایرانی عوام کے تعلق سے انسانی حقوق کی پامالی کو روکنے کیلئے تہران کے خلاف یکطرفہ پابندیاں فورا ًمنسوخ کرے، متعلقہ ممالک کی مرضی کے بغیر بیرونی میکانیزم مسلط کرنے سے کوئی نتیجہ نہیں نکلتا اور اس کا انسانی حقوق کے تحفظ اور فروغ میں کوئی کردار بھی نہیں ہوتا، اس وقت ایران کی حکومت اور عوام کورونا وائرس کی روک تھام میں مصروف ہیں جس کے پیش نظر چین، رضاکارانہ طور پر اپنی توانائی کے مطابق ٹیسٹ کٹس اور دیگر ضروری وسائل کے علاوہ ماہرین کی ایک ٹیم ایران بھیج کر تہران کی مدد کر رہا ہے۔