ٹرمپ نے سزا یافتہ 4 بلیک واٹر گارڈز کو مکمل معافی دیدی

چاروں گارڈز عراق میں شہریوں کے قتل میں ملوث اور سزایافتہ تھے
 واشنگٹن (نیوز ڈیسک) امریکی صدر ڈونلڈ ٹرمپ نے 2007 میں عراقی شہریوں کے قتل میں ملوث سزا یافتہ 4 بلیک واٹر گارڈز کو مکمل معافی دے دی، ٹرمپ کی جانب سے معافی پانے والوں میں روسی رابطہ کار اور 3 سابق ری پبلکن ارکان بھی شامل ہیں ، ٹرمپ نے 15 افراد کو مکمل معافی دی ہے جبکہ دیگر 5 افراد کی سزاوں میں کمی کی ہے، ان افراد میں 2007 میں بغدادمیں شہریوں کے قتل کے سزا یافتہ 4 بلیک واٹر سیکیورٹی گارڈز بھی شامل ہیں ٹرمپ کی انتخابی مہم کے سابق مشیر جارج پاپاڈوپولس کو بھی مکمل معافی دی گئی ہے، جنہوں نے روسیوں کے ساتھ اپنے روابط کے بارے میں وفاقی اداروں سے جھوٹ بولنے کا اعتراف کیا تھا