پاکستان کے مختلف مسالک کی جماعتوں اور اداروں پر مشتمل ملی یکجہتی کونسل کی سپریم کونسل کا اجلاس جماعت اسلامی کے مرکز منصورہ لاہور میں منعقد ہوا۔ اجلاس میں جماعت اسلامی، شیعہ علما کونسل، جمعیت علمائے پاکستان، مجلس وحدت مسلمین، البصیرہ کے رہنماؤں سمیت کونسل میں شامل جماعتوں کے نمائندہ افراد شریک ہوئے۔ اجلاس میں جے یو پی کے سربراہ صاحبزادہ ابوالخیر زبیر کو دوبارہ ملی یکجہتی کونسل کا صدر منتخب کر لیا گیا۔ اجلاس میں سینیٹر سراج الحق، لیاقت بلوچ، ثاقب اکبر، مولانا عارف واحدی، مولانا احمد اقبال رضوی سمیت دیگر رہنما شریک تھے۔
