متحدہ عرب امارات اور اسرائیل کے تعلقات مثال بنیں گے، وزیر خارجہ عبداللہ بن زائد

ابو ظہبی : متحدہ عرب امارات کے وزیر خارجہ عبداللہ بن زائد نے ایک بار پھر حماس اور حزب اللہ کو دہشت گرد قرار دے دیا۔ ابوظہبی میں امریکن جیوش کمیٹی کے دفتر کے افتتاح کے موقع پر عبداللہ بن زائد نے کہا کہ دنیا کے کئی ممالک حماس، حزب ا للہ اور اخوان المسلمین جیسے گروہوں کے بارے میں کھل کر بات نہیں کرتے۔ یہ گروہ دہشت گرد ہیں۔ انہوں نے خطے کے دوسرے ملکوں سے اپیل کی کہ وہ بھی اسرائیل کے ساتھ تعلقات کی بحالی کا حصہ بن جائیں۔ انہوں نے یہودیوں کو مخاطب کرتے ہوئے کہا کہ انہیں متحدہ عرب امارات میں وہی سکون نصیب ہوگا جیسا وہ اپنے گھر میں محسوس کرتے ہیں۔ انہوں نے کہا کہ دوسرے ممالک بھی امارات اسرائیل تعلقات کوآئیڈل بنا کر مستقبل کی تصویر دوبارہ بنائیں۔