قاسم سلیمانی پر حملہ کیس میں قانونی پیشرفت تیز

ایرانی اور عراقی قانونی ماہرین کیس کا بغورجائزہ لے رہے ہیں
بغداد (نیوز ڈیسک) جنرل سلیمانی اور ابومہد ی پر حملے سے متعلق کیس پر قانونی پیشرفت تیز کردی گئی،بغداد میں ایرانی سفیر ایرج مسجدی نے شہید قاسم سلیمانی اور شہید ابومہدی المہندس پر حملے سے متعلق اپنے ایک انٹریو میں کہا ہے کہ ایران اور عراق کے قانونی ماہرین اور عدالتی حکام کیس کا بغورجائزہ لے رہے ہیں ،
 عراقی عدلیہ کے سربراہ فائق زیدان کے ساتھ تین نشستیں انجام پاچکی ہیں ، عراقی عدلیہ میں باضابطہ طور پر کیس درج کیا جا چکا ہے اور ایران میں بھی شہید قاسم سلیمانی اور شہید ابومہدی المہندس کی شہادت سے متعلق قانونی چارہ جوئی کی جا رہی ہے چونکہ یہ معاملہ اپنے قانونی مراحل طے کر رہا ہے لہذا فی الوقت اس بارے اس سے زیادہ کچھ بیان نہیں کیا جاسکتا