عزاداری کیخلاف کوئی سازش قبول نہیں کی جائے گی(علما وذاکرین کنونشن)

بنی امیہ کی تعظیم نہ پہلے کی نہ اب کریں گے، ملک کسی بھی قسم کی فرقہ واریت کا متحمل نہیں ہوسکتا،زیارت عاشور ہ کیخلاف ایف آئی آر کو عدالت میں چیلنج کریں گے
 ایک عرب ملک کا سفیر روزانہ ملاقاتیں کر رہا ہے، جو سفارتی آداب کی کھلی خلاف ورزی ہے،ملک میں صرف ایک مکتبہ فکر کے وڈیو کلپس موجود نہیں، علامہ شہنشاہ نقوی
کراچی (نیوز ڈیسک) بنی امیہ کی تعظیم نہ پہلے کی نہ اب کریں گے،عزاداری کیخلاف کوئی سازش قبول نہیں کی جائے گی،کافر کافر کے نعرے لگانے کا اختیار اور چھوٹ کس نے دی،ملک کسی بھی قسم کی فرقہ واریت کا متحمل نہیں ہوسکتا،زیارت عاشور ہ سے متعلق ایف آئی آر کو عدالت میں چیلنج کریں گے ،ان باتوں پر ہیئت آئمہ مساجد وعلمائے امامیہ پاکستان کے زیر اہتمام علماوذاکرین امامیہ کنونشن میں کیا گیا،بھوجانی ہال سولجر بازار میں منعقدہ اجلاس سے علامہ سید شہنشاہ حسین نقوی، مجلس وحدت مسلمین کے رہنما علامہ سید باقرعباس زیدی، شیعہ علما کونسل کے مرکزی رہنما علامہ ڈاکٹر شبیر میثمی، ذاکرین فیڈریشن کے صدرعلامہ نثار قلندری علامہ ناظرعباس تقوی، علامہ صادق رضا تقوی، علامہ محمد حسین رئیسی دیگر علماوذاکرین نے خطاب کیا ، کانفرنس سے خطاب میں علامہ شہنشاہ حسین نقوی نے کہا کہ ایک عرب ملک کا سفیر روزانہ مختلف مدارس ،علمائے کرام اور اداروں کی شخصیات سے ملاقاتیں کر رہا ہے، جو سفارتی آداب کی کھلی خلاف ورزی ہے، سب سے پہلے لعن طعن اور سب و شتم کا آغاز کس نے کیا، ملک میں صرف ایک مکتبہ فکر کے وڈیو کلپس نہیں، بعض دیوبندی علما نے سرکار ابو طالب (ع)کی تقصیر کی گئی لیکن ہم کبھی ایف آئی آر کی طرف نہیں گئے،اچھا ہوا ہماری توجہ بھی اس طرف دلا دی گئی ہے، انہوں نے کہاکہ اسطرح ملک میں کس کس نے کیا کیا کہا ہے ہمارے پاس سارا ریکارڈ موجود ہے ،ہم کراچی میں کٹنے والے دو شخصیات کے خلاف ایف آئی آرز کو چیلنج کرنے جا رہے ہیں ،انہوں نے کہا کہ خلفائے ثلاث و امہات المومنین(رض) اور اہلیبیت(ع) کی تعظیم ہم پر جائز اور واجب ہے،لیکن بنی امیہ کی تعظیم بھی کریں گے یہ کس نے کہہ دیا،جن پر آپ زیادہ غصہ ہیں کیا ان کی تعظیم آپ کے یہاں مسلمہ ہیں