عالمی برادری شیخ ابراہیم زکزاکی سے روا غیر انسانی سلوک کانوٹس لے،وفاق المدارس الشیعہ

لاہور (پ ر)وفاق المدارس الشیعہ پاکستان کے نائب صدر علامہ قاضی نیاز حسین نقوی نے اسلامی تحریک نائیجیریاکے سربراہ ممتازعالم دین شیخ ابراہیم زکزاکی پر گذشتہ تین سالوں سے تشدد اور غیر انسانی سلوک پر شدید تنقید کرتے ہوئے عالمی برادری، انسانی حقوق کی تنظیموں اور اقوام متحدہ سے نوٹس لینے کا مطالبہ کیا ہے۔ انہوں نے کہا کہ نائیجیریا کی ظالم و جابر حکومت شیخ زکزاکی اور ان کے ساتھیوں پر ظلم کے پہاڑ ڈھا رہی ہے۔ انہوں نے کہا کہ شیخ زکزاکی پر مظالم کے پہاڑ ڈھانے پر پاکستانی عوام میں سخت تشویش،شدید اضطراب اور بے چینی پائی جاتی ہے،پاکستانی عوام انسانی بنیادوں پر مظلوم کے حامی ہیں اور مطالبہ کرتے ہیں کہ انہیں بنیادی انسانی حقوق فراہم کئے جائیں۔