تیل اسمگلنگ، ایران نے ایک اور غیرملکی جہاز پکڑ لیا

جہاز کے عملہ کے 13ارکان کو تیل اسمگل کرنے کے الزام میں گرفتار کر لیا گیا
تہران(نیوز ڈیسک) ایرانی کوسٹ گارڈ نے خلیج عْمان میں تیل کی اسمگلنگ کیلئے استعمال ہونے والے غیرملکی جہاز کو پکڑ لیا، جنوبی صوبہ ہرمزگان میں کوسٹ گارڈ کے سربراہ حسین دہقی نے بتایا کہ جہاز کو پکڑنے کے بعد جاسک کی بندرگاہ پر لے جایا گیا ہے اور جہاز کے عملہ کے 13ارکان کو تیل اسمگل کرنے کے الزام میں گرفتار کر لیا گیا ہے انھوں نے جہاز کی ملکیت کے بارے میں کچھ نہیں بتایا ہے کہ یہ کس ملک سے تعلق رکھتا ہے اور نہ یہ بتایا ہے کہ یہ کہاں جارہا تھا اور اس کے عملہ کا کس ملک سے تعلق ہے،گذشتہ سال موسم گرما میں خلیج عرب میں تیل بردار اور مال بردار جہازوں پر حملوں کے بعد سے کشیدگی پائی جارہی ہے۔