اصغریہ اسٹوڈنٹس آرگنائزیشن پاکستان نوشہروفیروز اورو اصغریہ علم و عمل تحریک پاکستان کنڈیارو یونٹ کی جانب سے برسی شہید قائد علامہ سید عارف حسین الحسینیؒ کی مناسبت سے "مدافع ولایت کانفرنس” کا انعقاد کیا گیا۔ کانفرنس کا آغاز تلاوتِ الٰہی سے ہوا، یونٹ صدر سید تصور حسین رضوی نے افتتاحی کلمات ادا کیے اور وفا عباس نے شہداءِ اسلام کو نذرانہ عقیدت پیش کیا۔ کانفرنس سے مولانا محمد عسکری نے حالاتِ حاضرہ اور مرکزی صدر محسن علی اصغری نے شہید علامہ عارف حسین الحسینیؒ کے قائدانہ اسلوب کے موضوع پر خطاب کیا۔ کانفرنس سے خطاب کرتے ہوئے اصغریہ اسٹوڈنٹس کے مرکزی صدر محسن علی اصغری نے کہا کہ شہید قائد علامہ عارف حسین الحسینیؒ نے اپنے دور قیادت میں ملک کے کونے کونے میں جا کر لوگوں کی فکری، شعوری، مذہبی، اجتماعی، ملی تربیت و بیداری کیلئے دن رات ایک کیا اور مسلسل عوامی رابطہ کے ذریعے ان میں ایک درد، ایک احساس پیدا کر دیا۔
