ایران کے خلاف پابندیاں ختم کی جائیں، عرب تنظیمیں

اقوام متحدہ میڈیکل آلات اور دواؤں کی ترسیل کو بھی یقینی بنانے کی کوشش کرے
مقبوضہ بیت المقدس (نیوز ڈیسک) عرب ملکوں کی متعدد عوامی تنظیموں اور اداروں نے مشترکہ بیان میں ایران کے خلاف پابندیاں اٹھانے کا مطالبہ کردیا، عرب ملکوں میں انسانی حقوق کیلئے کام کرنے والی 6 تنظیموں اور اداروں نے اقوام متحدہ سے مطالبہ کیا ہے کہ وہ امریکی پابندیاں ختم کرانے اور ایرانی عوام کیلئے میڈیکل آلات اور دواؤں کی ترسیل کو بھی یقینی بنانے کی کوشش کرے،بیان میں دنیا بھر میں فوجی مقاصد کے لیے قائم بائیولوجیکل اور جراثیمی مراکز اور تجربہ گاہوں کی بندش کا بھی مطالبہ کیا گیا،ادھر تحریک جہادنے کہا ہے کہ امریکا، دنیا بھر میں کورونا پھیلنے اور اس کے سخت نتائج سے نہایت شرمناک طور پر ناجائز فائدہ اٹھا رہا ہے اور ایران کا اقتصادی محاصرہ سخت کرنے اور پابندیاں بڑھانے میں مصروف ہے۔