امریکی ترجمان کو سرائیل کی بے جا حمایت مہنگی پڑگئی

نیڈ پرائس فلسطین کو ذاتی دفاع کے حق کے سوال پر جواب نہ دے سکے
کراچی (نیوز ڈیسک) امریکی محکمہ خارجہ کے ترجمان نیڈ پرائس کو اسرائیل کی بے جا حمایت مہنگی پڑگئی ، امریکی صحافیوں نے ترجمان کو آڑے ہاتھوں لے لیا،نیڈ پرائس نے کہا کہ اسرائیل کو دفاع کا حق حاصل ہے ، فلسطین کو ذاتی دفاع کے حق کے سوال پر جواب نہ دے سکے ، غزہ میں بچوں کی شہادت پر مذمت سے گریز کیا، اسرائیل اور فلسطین کی صورتحال پر تبصرہ کرتے ہوئے نیڈ پرائس نے کہا کہ صورتحال بہت نازک ہے ، اسرائیل میں راکٹ حملوں میں عام شہریوں کو نشانہ بنایا جارہا ہے اور میں اسی پر بات کروں گا ، انہوں نے کہا کہ غزہ میں کسی مخصوص آپریشن کی تفصیلات جانے بغیر میں یہی کہوں گا کہ ذاتی دفاع کا ایک اصول ایسی چیز ہے جس پر ہم اسرائیل کا ساتھ دیتے ہیں ، صحافی نے سوال کیا کہ کیا اسرائیل کی جانب سے فوجی کارروائی بھی ذاتی دفاع کے زمرے میںآتی ہے؟ اس کے جواب میں امریکی ترجمان نے کہا کہ ذاتی دفاع میں اکثر طاقت کا استعمال کیا جاتا ہے