ملک بھر میں یوٹیوب، فیس بک اور ٹوئٹر سروسز بند

اسلام آباد: وزارت داخلہ کے حکم پر ملک بھر میں یوٹیوب، فیس بک اور ٹوئٹر سروسز بند کردی گئیں۔ دارالحکومت اسلام آباد، راولپنڈی اور لاہور میں انٹرنیٹ سروسز بھی معطل ہیں۔ پیمرا کے ترجمان کا کہنا ہے کہ وفاقی دارالحکومت اسلام آباد، راولپنڈی اور لاہور سمیت کئی شہروں میں انٹرنیٹ سروس معطل کی گئی ہے جس کی وجہ سے یوٹیوب، فیس بک اور ٹوئٹر بند ہے۔ پی ٹی اے کا کہنا ہے کہ ملک بھر میں انٹرنیٹ سروس وزارت داخلہ کے احکامات پر معطل کی گئ ہے۔ منگل کو اس دوران راولپنڈی اسلام آباد سمیت ملک کے مختلف شہروں سمیت سوشل میڈیا ،یوٹیوب ،فیس بک اور ٹویٹر سمیت دیگر موبائل اپلیکیشنز سمیت بھی بند رہیں۔ذرائع کے مطابق گزشتہ روز عمران خان کی گرفتاری کے بعد بعض پوسٹیں سوشل میڈیا پر شئیر ہونے کے بعد سوشل میڈیا کی سروسز بند کر دی گئیں۔پی ٹی اے حکام کے مطابق وزارت داخلہ کی ہدایت کے مطابق انٹر نیٹ سروسز معطل کی گئیں۔