یمنی فورسز کا سعودی عرب پر میزائلوں اور ڈرونز سے جوابی حملہ

صنعا: یمنی فورسز نے سعودی عرب پر میزائلوں اور بارودی ڈرونز سے حملہ کیا جس کے نتیجے میں متعدد عمارتوں اور گاڑیوں کو نقصان پہنچا ہے تاہم کسی جانی نقصان کی اطلاعات نہیں ملی. یمنی فورسز نے جازان میں تیل کمپنی آرامکو کی تنصیبات اور الشقیق میں کھارے پانی کو میٹھا بنانے والی تنصیبات کو نشانہ بنایا سعودی وزارت داخلہ نے دعوی کیا ہے کہ جازان اور خمیس مشیط پر بیلسٹک اور کروز میزائلوں کے علاوہ بارودی ڈرونز سے حملہ کیا گیا ڈیفینس سسٹم نے میزائل اور ڈرونز کو فضا میں ہی مار گرایا تاہم ان کے ٹکڑے گرنے سے رہائشی عمارتوں کو نقصان پہنچا ہے اور متعدد گاڑیاں تباہ ہوگئی ہیں اور ایک پٹرول پمپ پر میزائل کے ٹکڑے گرنے سے آگ بھڑک اٹھی جس پر قابو پا لیا گیا ہے۔ حملے میں کوئی جانی نقصان نہیں ہوا۔ سعودی اتحاد نے یمنی فوج کے چار ڈرون طیارے مار گرانے کا بھی دعویٰ کیا ہے۔