Raza Musani 
تل ابیب: یمنی فوج نے وسطیٰ اسرائیل میں فوجی تنصیبات پر ہائپرسونک بیلیسٹک میزائل سے حملہ کردیا۔ حملے میں پانچ افراد زخمی ہوگئے۔ یمنی فوج کے ترجمان یحییٰ سریع نے دعویٰ کیا ہے کہ یافا میں اسرائیلی فوجی تنصیب کو نشانہ بنانے کے لیے فلسطین دوم ہائپرسونک بیلیسٹک میزائل کا استعمال کیا گیا۔ میزائل نے کامیابی سے ہدف کو نشانہ بنا۔ انہوں نے کہا کہ اس طرح کی کارروائیاں اس وقت تک جاری رہیں گی جب تک اسرائیل غزہ پر حملہ بند نہیں کرتا اور ناکہ بندی ختم نہیں کر دیتا۔ حملے کے نتیجے میں بین گوئرین ائرپورٹ کئی گھنٹوں بند رہا جبکہ پناہ گاہوں کی طرف بھاگتے ہوئے پانچ اسرائیلی زخمی ہوگئے۔ اسرائیلی وزیر خزانہ اور سیکورٹی حکومت کے رکن بیزلیل اسموٹریچ نے یمنی فوج کو دھمکی دی ہے کہ وہ ایرانی محور میں واحد بازو ہیں جس نے ہماری طاقت کا تجربہ نہیں کیا۔ یہ بازو بھی ہمارے بازو کی طاقت کا تجربہ کر لے گا۔
