Raza Musani 
اسلام آباد : یاسین ملک کی اہلیہ مشعال ملک نے بھارتی عدالت کے فیصلے کے خلاف عالمی عدالت انصاف سے رجوع کرنے کا اعلان کیا ہے۔ انہوں نے اپنے شوہر کی سزا کو انصاف کا قتل قرار دیتے ہوئے کہا کہ یہ ناقابل قبول ہے اور ہم ہار نہیں مانیں گے۔ یکطرفہ فیصلہ کشمیری عوام کو کسی صورت قبول نہیں جو جھوٹ پر مبنی ہے۔ بھارتی حکام نے کشمیر کی سب سے طاقتور اور پر امن آواز کو خاموش کرنے کے لیے عدالت پر اثر و رسوخ استعمال کیا۔ مشعال ملک نے کہا کہ بھارتی حکومت کی قید میں یاسین ملک کی جان کو خطرہ لاحق ہے کیوں کہ درجنوں کشمیری رہنماؤں کو پہلے بھی تشدد سے ہلاک کیا جا چکا ہے یا پھر موت کی سزا سنائی گئی ہے۔
