Raza Musani 
بیجنگ : چین میں سنکیانگ کی مسجد میں بنائی گئی اشتہاری ویڈیو میں رقص نے ایغور مسلمانوں کو برہم کردیا ہے۔سنکیانگ میں چینی انتظامیہ نے ویمنز کنگڈم کے نام سے تشہیری ویڈیو جاری کی ہے جس کا مقصد سیاحوں کو سنکیانگ کی جانب راغب کرنا ہے۔ویڈیو میں ایک ننگے سر خاتون کو مسجد کے احاطے میں ناچتے ہوئے دکھایا گیا ہے۔ اس ویڈیو کی ایغور مسلمانوں نے شدید مذمت کی ہے اور توہین آمیز قرار دیا ہے۔ مسلمانوں کا کہنا ہے کہ ماہ رمضان کے دوران جب مسلمان شام کے اوقات میں افطار اور عبادت میں مصروف ہوتے ہیں توہین آمیز ویڈیو کا مقصد اشتعال دلانا ہے۔ اویغوروں کا کہنا ہے کہ ایسی ویڈیوز ناگوار ہیں اور ان کے مذہب اور ثقافت کو کم کرنے یا مٹانے کی وسیع تر کوشش کا حصہ ہیں۔
