Raza Musani 
بغداد : عراقی عدلیہ نے صدر گروپ کے سربراہ مقتدیٰ الصدر کا پارلیمنٹ کو تحلیل کرنے کا مطالبہ مسترد کردیا۔ سپریم عدالتی کونسل نے کہا ہے کہ اسے پارلیمان کو تحلیل کرنے کا کوئی اختیارحاصل نہیں۔ وہ مقتدیٰ الصدر کے موجودہ نظام پر تنقید سے اتفاق کرتی ہے کہ پارلیمنٹ ملک کا صدر اور وزیر اعظم منتخب کرنے میں ناکام رہی ہے جبکہ آینی مدت کے اندر حکومت کی تشکیل بھی نہیں ہوسکی ہے۔ یہ ایک ناقابلِ قبول صورت حال ہے۔اس کا ازالہ ضروری ہے۔ واضح رہے کہ عراقی آئین کے تحت پارلیمنٹ کو ایوان میں مکمل اکثریت کے ووٹ سے ہی تحلیل کیا جا سکتا ہے اور ایسا وزیراعظم کی درخواست پر ایک تہائی ارکان یا صدر کی منظوری کے بعد ہی کیا جاسکتا ہے۔
