امریکا کے ساتھ کسی بھی قسم کے مذاکرات نہیں ہو رہے، بقائی

تہران : ایران نے امریکا کے ساتھ کسی بھی قسم کے مذاکرات کی تردید کردی۔ وزارت خارجہ کے ترجمان اسماعیل بقائی نے کہا ہے کہ آبنائے ہرمز میں محفوظ جہازرانی کے لیے عمان کے ساتھ عارضی بحری راستہ بنانے پر کام جاری ہے۔ ایرانی وزارتِ خارجہ کے ترجمان اسماعیل بقائی نے نیوز کانفرنس میں کہا ہےکہ اسوقت امریکا کے ساتھ کوئی مذاکرات نہیں ہورہے۔ آبنائے ہرمز میں محفوظ جہاز رانی کے لیے عمان کے ساتھ عارضی بحری راستہ بنانے پر کام جاری ہے۔ بقائی کے مطابق اس راہداری میں عمان کے جنوبی سمندری راستے اور ایران کے شمالی علاقائی پانیوں کے راستے کو یکجا کیا جائے گا۔ انہوں نے واضح کیا کہ آبنائے ہرمز کو دوبارہ کھولنے کے لیے محض عمان کے ساتھ کسی معاہدے تک پہنچنا کافی نہیں ہوگا۔ترجمان نے مزید کہا کہ جب تک امریکی جارحیت کا سلسلہ جاری ہے تب تک اس اہم سمندری راستے کی صورتحال جوں کی توں برقرار رہے گی۔