ڈپریشن کو کنٹرول کرنے کے طریقے کون سے ہیں

*مندرجہ ذیل روشوں کے ذریعے ڈپریشن کی شدت میں کمی واقع ہو سکتی ہے:

اپنی جذباتی کیفیات کو راز نہ رکھیں*
اگر آپ نے کوئی بری خبر سنی ہو تو اسے کسی قریبی شخص سے شیئر کر لیں اور اسے یہ بھی بتائیں کہ آپ اندر سے کیسا محسوس کر رہے ہیں۔ اکثر غم کی باتوں کو کسی قریبی شخص کے سامنے بار بار دہرانے، رو لینے اور اس کے بارے میں بات کرلینے سے دل کا بوجھ ہلکا ہو جاتا ہے۔

اپنے آپ کو مختلف سرگرمیوں میں مشغول رکھیں*
کچھ نہ کچھ روزانہ ورزش کرتے رہیں چاہے صرف آدھے گھنٹے کی چہل قدمی ہی کیوں نہ ہو۔ ورزش سے انسان کی جسمانی صحت بھی بہتر ہوتی ہے اور نیند بھی۔ اپنے آپ کو کسی نہ کسی کام میں مصروف رکھیں خواہ یہ گھر کے کام کاج ہی کیوں نہ ہوں۔ اس سے انسان کا ذہن تکلیف دہ خیالات سے ہٹا رہتا ہے۔

متوازن غذا کا استعمال کریں*
متوازن غذا بہت ضروری ہے چاہے آپ کا دل کھانے کو نہ کر رہا ہو اسی طرح تازہ پھلوں اور سبزیوں کا استعمال زیادہ مفید ہے۔ ڈپریشن میں اکثر لوگ کھانا کھانا چھوڑ دیتے ہیں جس سے بدن میں وٹامنز کی کمی اور طبیعت زیادہ خراب ہو جاتی ہے۔

• اپنی نیند Disturb نہ کریں*
  نیند کے نہ آنے سے پریشان نہ ہوں۔ اگر آپ سو نہ سکیں تو پھر بھی آرام سے لیٹ کر ٹی وی دیکھنے یا ریڈیو سننے سے آپ کو ذہنی سکون ملے گا جس سے آپ کی گھبراہٹ بھی کم ہو جائیگی۔ ڈپریشن کی وجہ کو دور کرنے کی کوشش کریں*
  اگر آپ کو لگتا ہے کہ آپ کو اپنے ڈپریشن کی وجہ معلوم ہے تو اس کو لکھنے اور اس پہ غور کرنے سے کہ اسے کیسے حل کیا جائے؟ اس سے آپ کو ڈپریشن کم کرنے میں مدد مل سکتی ہے۔ مایوس نہ ہوں*
  اپنے آپ کو یاد دلاتے رہیں کہ:
  آپ جس تجربے سے گزر رہے ہیں اس سے اور لوگ بھی گزر چکے ہیں۔
  ایک نہ ایک دن آپ کا ڈپریشن ختم ہو جائے گا چاہے ابھی آپ کو ایسا نہ لگتا ہو۔