غزہ میں قحط خطرناک حد تک بڑھنے کے خدشات ہیں، ڈبلیو ایف پی

جنیوا : عالمی خوراک پروگرام نے خبردار کیا ہے کہ غزہ کی پٹی میں قحط خطرناک حد تک بڑھنے کے خدشات ہیں۔ حالانکہ سیز فائر کے سو دن مکمل ہونے کے موقع پر انسانی امدادی کارروائیوں میں توسیع کی گئی ہے۔
عالمی خوراک پروگرام کے مطابق زندگی بچانے والی غذائی امداد اب ماہانہ بنیاد پر ایک ملین سے زائد افراد تک پہنچائی جا رہی ہے، تاکہ انسانی بحران کی شدت کو کم کیا جا سکے۔ ڈبلیو ایف پی کے مطابق امدادی کارروائیوں میں توسیع قحط کے خطرے کو روکنے میں کچھ حد تک کامیاب رہی ہے، انسانی حالات اب بھی نہایت نازک ہیں اور کسی بھی وقت مزید بگڑ سکتے ہیں۔ عالمی خوراک پروگرام نے زور دیا کہ تمام گذرگاہوں کے ذریعے انسانی رسائی کی ضمانت، امدادی سامان اور تجارتی اشیاء کے باقاعدہ بہاؤ کے تسلسل کے ساتھ ساتھ سیز فائر برقرار رکھنا، غزہ کو دوبارہ خطرناک غذائی بحران سے بچانے کے لیے کلیدی عناصر ہیں۔ پروگرام نے خبردار کیا کہ اگر یہ عناصر متاثر ہوں تو کوششیں ناکام ہو سکتی ہیں اور انسانی بحران دوبارہ ابتدائی نقطہ پر واپس آ سکتا ہے۔