اسد حکومت کا تختہ ہم نے الٹا، نیتن یاہو کا اعتراف

تل ابیب : صیہونی وزیراعظم نے بشارالاسد حکومت کا تختہ الٹنے میں اپنے کردار کا اعتراف کرلیا اور شام کا سرحدی علاقہ اسرائیلی قبضے میں کرنے کا اعلان بھی کیا۔ نیتن یاہو نے شام کے سقوط کو اسرائیل کے لیے ایک سنگ میل قرار دیا ہے۔ نیتن یاہو نے کہا شام میں انقلاب اسرائیل کے حزب اللہ اور ایران کے خلاف سخت حملوں کا نتیجہ ہے۔ بنیامین نیتن یاہو نے کہا مشرق وسطی کے لیے آج تاریخی دن ہے۔ اسرائیلی وزیراعظم نے تسلیم کیا کہ بشار حکومت کی اسرائیل کے خلاف مزاحمتی محاذ میں مرکزی حیثیت رکھتی تھی۔ نیتن یاہو نے کہا کہ عربوں نے اسرائیل کے خلاف چار جنگیں لڑیں جنگوں میں شامل مصر اور اردن نے اسرائیل سے معاہدے کرلئے جبکہ عراق اور شام کو اسرائیل نے تباہ کردیا۔ اسرائیل کسی دشمن فورس کو اپنی سرحدوں پر پنپنے نہیں دے گا۔ نیتن یاہو نے شام کا سرحدی علاقہ اسرائیلی قبضے میں کرنے اور وہاں ایک ملٹری زون قائم کرنے کا بھی اعلان کیا۔