وینزویلا زلزلہ: ہلاکتیں 2,595 تک پہنچ گئیں، 38 ہزار افراد تاحال لاپتا

ہ
کاراکس: وینزویلا کی عبوری صدر ڈیلسی روڈریگز نے کہا ہے کہ ملک میں 24 جون کو آنے والے تباہ کن زلزلوں کے نتیجے میں ہلاکتوں کی تعداد بڑھ کر 2,595 ہو گئی ہے، جبکہ زخمیوں کی تعداد 12 ہزار 400 سے تجاوز کر چکی ہے۔ وینزویلا کی عبوری صدر ڈیلسی روڈریگز نے بتایا کہ سرچ اینڈ ریسکیو آپریشن تاحال جاری ہے اور حکومت نے امدادی سرگرمیاں ختم نہیں کیں۔
عبوری صدر کے مطابق سب سے زیادہ متاثرہ ریاست لاگویرا میں سرکاری عمارتیں گرنے سے متعدد علاقائی سرکاری حکام جان کی بازی ہار گئے، جبکہ ملک بھر میں 189 عمارتیں مکمل طور پر تباہ ہو چکی ہیں۔ ڈیلسی روڈریگز نے بتایا کہ تعمیرِ نو کے لیے آئی ایم ایف کے تعاون سے 20 کروڑ ڈالر کا خصوصی فنڈ قائم کیا جا رہا ہے، آئی ایم ایف اور عالمی بینک نے وینزویلا کو مالی امداد اور قرض کی پیشکش بھی کی ہے، جبکہ فنڈ سے حاصل ہونے والی رقم گھروں، بنیادی ڈھانچے اور دیگر متاثرہ تنصیبات کی بحالی پر خرچ کی جائے گی۔
حکام کے مطابق لاپتا افراد کی سرکاری تعداد جاری نہیں کی گئی، تاہم غیر سرکاری آن لائن فہرستوں میں قریباً 38 ہزار 500 افراد اب بھی لاپتا بتائے جا رہے ہیں۔