امریکی صدر کا ایران سے جنگ بندی اور مفاہمتی یادداشت ختم کرنے کا اعلان

واشنگٹن: امریکی صدر ڈونلڈ ٹرمپ نے حملے کی دھمکیوں کے بعد ایران سے جنگ بندی اور مفاہمتی یادداشت ختم کرنے کا اعلان کردیا۔ انقرہ میں نیٹو چیف جنرل مارک روٹے کے ہمراہ گفتگو میں ٹرمپ نے کہا کہ ایران کے ساتھ جنگ بندی ختم ہو چکی۔ ایران سے ڈیل نہیں کرنا چاہتا۔ میرے خیال میں ایم او یو بھی باقی نہیں رہا۔ اس حوالے سے مزید وقت ضائع نہیں کرنا چاہتا۔ امریکی صدر نے کہا کہ گزشتہ روز ایران نے سعودی عرب اور دیگر ممالک کے جہازوں پر حملے کئے۔ ایران کے حملوں کے جواب میں امریکی فوج نے بھی کارروائی کی۔ ایران کی تمام قیادت کو ختم کر دیا، اب وہاں نئے لوگ ہیں۔
امریکی صدر نے نیٹو پر بھی شدید تنقید کی۔ نیٹو سے خوش نہیں ہوں کیونکہ انہوں نے ایران کے خلاف ہماری مدد نہیں کی، ہم نیٹو کو سو فیصد فنڈ دے رہے تھے جبکہ کچھ ممالک کچھ بھی حصہ نہیں ڈال رہے تھے، ڈونلڈ ٹرمپ نے کہا کہ اسپین کے ساتھ کوئی تعلق نہیں رکھنا چاہتے، اسپین انتہائی خراب شراکت دار ہے، اسپین کے ساتھ تجارت ختم کر دی اب وہ گڑگڑا رہا ہے کہ ہمارے ساتھ تجارت کریں۔