Raza Musani 
تہران : امریکا اور ایران نے مفاہمتی یادداشت پر دستخط کردئے۔ جس کے بعد یہ معاہدہ نافذ العمل ہوگیا ہے۔ امریکی صدر ڈونلڈ ٹرمپ نے فرانس میں صدر میکرون کے ساتھ عشائیے کے موقع پر ایران امریکا مفاہمتی یادداشت پر دستخط کیے جس کی ویڈیو وائٹ ہاؤس نے جاری کی۔ دوسری جانب ایرانی سرکاری میڈیا کی جانب سے صدر مسعود پزشکیان کی تصاویر جاری کی گئیں جس میں وہ مفاہمتی یاداشت پر دستخط کررہے ہیں۔ ترجمان ایرانی وزارت خارجہ اور وائٹ ہاؤس نے بھی مفاہمتی یادداشت پر الیکٹرانک دستخط کی تصدیق کردی۔
ترجمان ایرانی وزارت خارجہ کا کہنا ہے ایران اور امریکا کے درمیان مفاہمتی یادداشت کا حتمی متن طے پاگیا۔ ایران اور امریکا کے صدور نے دستخط کیے ہیں۔ جنیوا میں مذاکراتی ٹیموں کی شرکت بدستور شیڈول کے مطابق رہے گی۔ وائٹ ہاؤس حکام کے مطابق صدر ٹرمپ نے ایران کے ساتھ مفاہمتی یادداشت پر دستخط کر دیے۔
