Raza Musani 
واشنگٹن : عراق میں سابق وزیراعظم نوری المالکی کی متوقع واپسی نے امریکا کو تشویش میں مبتلا کردیا ہے اور اس نے عراق کو سخت انتباہی پیغام بھیجا ہے۔
امریکی وزیرِ خارجہ مارکو روبیو نے عراقی وزیرِ اعظم محمد شیاع السودانی سے ٹیلی فون پر بات چیت کی اور ایران نواز حکومت کے خلاف خبردار کیا۔ انہوں نے امید ظاہر کی کہ اگلی حکومت عراق کو مشرق وسطیٰ میں استحکام، خوشحالی اور سلامتی کے لیے ایک طاقت بنانے کے لیے کام کرے گی۔ترجمان محکمہ خارجہ ٹومی پگوٹ کے مطابق مارکو روبیو نے اس بات پر زور دیا کہ ایران کے زیرِ اثر کام کرنے والی حکومت عراق کے مفادات کو کامیابی سے اولیت نہیں دے سکتی، عراق کو علاقائی تنازعات سے دور نہیں رکھ سکتی اور نہ ہی امریکا اور عراق کے درمیان باہمی فائدہ مند شراکت کو آگے بڑھا سکتی ہے۔
امریکی نمائندگان نے ایک خط میں کہا کہ اگرچہ وزیرِ اعظم کا انتخاب عراق کا فیصلہ ہے لیکن امریکہ اگلی حکومت کے بارے میں خودمختار فیصلے کرے گا جو امریکی مفادات کے مطابق ہوں.
