Raza Musani 
واشنگٹن : امریکی صدر جوبائیڈن نے ملک میں روسی تیل اور گیس کی درآمدات پر پابندی کا اعلان کردیا ہے۔ امریکی صدر نے وائٹ ہاؤس میں بیان دیتے ہوئے کہا کہ روسی تیل اور گیس اب امریکی بندرگاہوں پر قابلِ قبول نہیں۔ ہم روس کے صدر ولادمیر پیوٹن کو جنگ میں کوئی مالی معاونت فراہم نہیں کرنا چاہتے۔جوبائیڈن نے یہ بھی کہا کہ انہوں نے یہ فیصلہ یورپی اتحادیوں کے ساتھ مشاورت سے کیا ہے تاہم وہ پابندی میں امریکا کا ساتھ دینے کی پوزیشن میں نہیں ہیں۔
انہوں نے کہا کہ امریکا یورپی اتحادیوں کے ساتھ مل کر کام کر رہا ہے تا کہ روسی تیل اور گیس پر انحصار کم کرنے کے لیے طویل مدتی حکمت عملی تیار کی جا سکے۔
