Raza Musani 
تہران : امریکا اور اسرائیل نے ایران کے جنوبی صوبے ہرمزگان کے شہر میناب میں گرلز ایلیمنٹری اسکول کو براہِ راست نشانہ بنایا۔ جس کے نتیجے میں پچاسی طالبات شہید اور ساٹھ سے زائد زخمی ہوگئیں۔ انتظامیہ کے مطابق اسکول پر تین میزائل داغے گئے۔ حملے میں اسکول کی عمارت ملیا میٹ ہوگئی۔درجنوں طالبات ملبے تلے دب گئیں۔ حملے کے وقت اسکول میں تقریباً 170 طالبات موجود تھیں۔ ریسکیو ٹیموں نے لاشوں اور زخمیوں کو ملبے سے نکال کر اسپتال منتقل کیا۔
امریکا اور اسرائیل نے ایران پر فضائی حملے کئے اور تہران۔ قم۔ اصفہان۔ اور کرمانشاہ سمیت تیس شہروں میں پچاس سے زائد اہداف پر میزائل داغے۔ سپریم لیڈر کے دفتر، ایوان صدر۔ وزارتِ دفاع، انٹیلی جنس ہیڈکوارٹر، انقلابی گارڈز کے مراکز اور پارلیمنٹ کی عمارت پر بھی حملہ کیا گیا۔ متعدد اعلیٰ حکام کے گھروں اور سرکاری و دفاعی تنصیبات کو نقصان پہنچا۔
