اقوام متحدہ، برطانیہ، فرانس، جرمنی، اٹلی کا معاہدہ کا خیرمقدم

نیویارک: اقوام متحدہ، برطانیہ، فرانس، جرمنی اور اٹلی سمیت کئی ممالک نے امریکا ایران معاہدے کا خیرمقدم کیا ہے اور واضح کیا ہے کہ متنازع معاملات کو سفارتکاری اور مذاکرات سے حل کیا جائے۔اقوام متحدہ کے سربراہ انتونیو گوتریس نے امریکا ایران معاہدے کو تنازع کے پرامن حل اور سیاسی حل کی جانب اہم پیش رفت قرار دیا ہے۔ انہوں نے امید ظاہر کی کہ یہ معاہدہ خطے میں استحکام، سلامتی اور سفارتی تعاون کے نئے دور کی بنیاد بنے گا۔ برطانیہ، فرانس، جرمنی اور اٹلی کے رہنماؤں نے ایک مشترکہ بیان میں کہا ہے کہ سفارت کاری اور مذاکرات ہی خطے میں پائیدار استحکام اور کشیدگی کے خاتمے کا مؤثر راستہ ہیں۔ انہوں نے کہا کہ جوہری پروگرام میں پیش رفت کی صورت میں وہ تہران پر عائد پابندیاں اٹھانے کے لیے تیار ہیں۔