Raza Musani 
جدہ : عمرہ زائرین کو مکہ اور مدینہ کے علاوہ دیگر شہروں میں بھی جانے کی اجازت مل گئی۔ وزارت حج و عمرہ کی جانب سے ایک بیان جاری کیا گیا ہے جس کے مطابق عمرہ ویزہ پر آنے والوں کو مملکت میں 30 روز تک قیام کی سہولت ہوگی جس دوران وہ مکہ اور مدینہ کے علاوہ دیگر شہر بھی جاسکیں گے۔ اس سے قبل عمرہ زائرین کو مملکت میں قیام کے دوران صرف جدہ، مکہ مکرمہ اور مدینہ منورہ کے علاوہ کسی دوسرے شہر میں آنے جانے کی اجازت نہیں ہوتی تھی۔ اس فیصلے سے خاص کر وہ عمرہ زائرین مستفید ہوسکیں گے جن کے رشتہ دار مملکت کے دیگر شہروں میں مقیم ہیں جبکہ عمرہ زائرین کو اس امر کا خاص خیال رکھنا ہوگا کہ وہ قیام کی مدت ختم ہونے سے قبل ہی اپنی واپسی کو یقینی بنائیں۔
