یوکرین کو بھی چین سے امیدیں، شی جن پنگ کو دورے کی دعوت

کیف : یوکرین کے صدر ولادی میر زیلنسکی نے چین کے صدر شی جن پنگ کو کیف کا دورہ کرنے کی دعوت دی ہے۔ زیلنسکی نے ایک انٹرویو میں کہا کہ ان کا ملک چینی صدر کے دورے کا منتظر ہے جس کے دوران جنگ پر تبادلہ خیال کیا جائے گا۔ انہوں نے کہا کہ یوکرین جنگ کے خاتمے کے لئے ناقابل قبول سمجھوتے نہیں کرے گا اور یقین ظاہر کیا کہ بآلاخر ہم کامیاب ہوں گے۔ انہوں نے چینی صدر کا حوالہ دیتے ہوئے کہا کہ ہم انہیں یہاں دیکھنے کے منتظر ہیں۔ میں ان سے بات کرنا چاہتا ہوں لیکن ایک سال سے زیادہ عرصے سے میرا ان سے کوئی رابطہ نہیں ہے۔ یوکرینی صدر نے خبردار کیا کہ اگر یوکرین باخموت کو کھو دیتا ہے تو اس کے سنگین نتائج ہوں گے۔