Raza Musani 
لندن : برطانوی حکومت نے افغان مہاجرین سے اپنی رہائش کا انتظام خود کرنے کی ہدایت کردی۔ ہوم آفس نے سقوط کابل کے بعد برطانیہ لائے گئے افغان مہاجرین کوخط بھیجا ہے۔ 8 ہزارسے زائد افغان مہاجرین کو ہوٹلوں میں ٹہرایا گیا تھا۔جو اب بھی وہیں مقیم ہیں۔ حکومت نے مہاجرین کو مختلف مقامات پر منتقل کرنے کی پیش کش کی تھی لیکن بعض مہاجرین نے حکومتی پیشکش کو ٹھکرادیا۔ ان کا موقف ہے کہ وہ ایسے علاقوں میں نہیں رہنا چاہتے ہیں جس کے بارے میں انہیں کچھ علم نہیں۔ خط میں کہا گیا ہے کہ پناہ کے متلاشیوں کے برعکس افغان مہاجرین کام کرسکتے ہیں۔ وقت آگیا ہے کہ وہ آگے بڑھیں اور برطانوی معاشرے میں مکمل طورپر ضم ہو جائیں۔ اگر آپ کو رہائش کیلئے جگہ دی جاتی ہے تو اسے قبول کر لیں۔ بصورت دیگر آپ کو اپنی رہائش خود تلاش کرنی ہوگی۔
