Raza Musani 
کراچی: ٹھٹھہ اور گوجرہ میں دو خوفناک ٹریفک حادثات میں 16 افراد جاں بحق ہوگئے۔ ٹھٹھہ میں چلیا کے مقام پر ٹرک اور وین کے تصادم میں کراچی سے تعلق رکھنے والے 9 افراد جاں بحق ہوگئے۔ جاں بحق افراد کا تعلق قذافی ٹاؤن لانڈھی سے ہے اور وہ پکنک منانے کے لیے کینجھر جھیل جارہے تھے۔ جاں بحق افراد آپس میں دوست تھے حادثے کے بعد ٹرک ڈرائیور موقع سے فرار ہو گیا۔ جسے بعد میں پولیس نے حراست میں لے لیا۔ ادھر پنجاب کے ضلع ٹوبہ ٹیک سنگھ کی تحصیل گوجرہ میں مسافر وین اور منی ٹرک میں تصادم ہوا ہے۔ تصادم کے بعد دونوں گاڑیوں میں آگ لگ گئی، جس کے نتیجے میں 7 مسافر جھلس کر جاں بحق ہو گئے۔ حادثے میں 19 افراد زخمی بھی ہوئے ہیں، لاشوں اور زخمیوں کو اسپتال منتقل کر دیا گیا ہے۔
