Raza Musani 
ڈھاکا : بنگلہ دیش میں عدالت نے 1971 کی جنگ میں ملوث ہونے کے الزام میں جماعت اسلامی کے 2 بزرگ سیاسی رہنماؤں کو سزائے موت سنا دی۔انٹرنیشنل کرائمز ٹریبونل کے 3 رکنی بینچ نے سابق رکن اسمبلی عبدالخالق مندول اور خان رکن الزمان کو سزا سنائی۔عبدالخالق مندول کو 2015 میں گرفتار کرکے فرد جرم عائد کی گئی تھی۔ ان کے خلاف 2018 میں ٹرائل کا آغاز ہوا تو 4 ملزمان نامزد تھے لیکن ان میں سے 2 افراد ضعیف العمری اور خرابی صحت کے باعث انتقال کر گئے۔ بزرگ رہنما خان رکن الزمان مفرور ہیں۔ جماعت اسلامی کے رہنما کے وکیل مطیع الرحمٰن کا کہنا تھا کہ اس فیصلے کے خلاف ہائی کورٹ میں اپیل دائر کریں گے۔
