Raza Musani 
استنبول: ترک وزیرِ خارجہ ہاکان فیدان نے استنبول میں حماس کے وفد سے ملاقات میں غزہ کی صورتحال اور امن منصوبے کے اگلے مرحلے پر بات کی۔ ملاقات میں غزہ امن منصوبے کے دوسرے مرحلے، جنگ بندی سے متعلق پیش رفت اور انسانی صورتحال پر تفصیلی تبادلۂ خیال کیا گیا۔ ترک وزیرِ خارجہ نے وفد کو غزہ کے عوام کے حقوق کے دفاع کے لیے ترکیہ کی سفارتی کوششوں سے آگاہ کیا۔ انہوں نے خاص طور پر مختلف عالمی فورمز پر قائم ’’بورڈ آف پیس‘‘ کے کردار پر روشنی ڈالی۔ ہاکان فیدان کا کہنا تھا کہ غزہ کے لیے انسانی امداد کی فراہمی ترکیہ کی اولین ترجیح ہے۔ انہوں نے واضح کیا کہ انقرہ ہر حال میں غزہ تک امداد پہنچانے کی کوششیں جاری رکھے گا۔
