ترکیہ کی طالبان اور عالمی برادری میں تناؤ کم کرنے کی کوششیں

انقرہ : ترکیہ نے افغان طالبان اور بین الاقوامی برادری کے درمیان تناؤ میں کمی کی کوششیں تیز کردی ہیں۔ کابل میں ترک سفیر سیحاد ارگینے نے افغانستان کے نائب وزیراعظم مولوی عبدالسلام حنفی سے ملاقات کی۔ جس میں دوطرفہ امور زیر بحث آئے۔ ترک سفیر کا کہنا تھا کہ ان کی حکومت افغانستان اور بین الاقوامی برادری کے درمیان تعلقات بہتر بنانے کےلیے کام کر رہی ہے۔ ترکیہ کے تاجر اور سرمایہ کار افغانستان کی صنعت اور تجارت بالخصوص کان کنی میں سرمایہ کاری کرنا چاہتے ہیں۔ مولوی عبدالسلام نے کہا کہ طالبان حکومت تمام بیرونی حکومتوں سے اچھے تعلقات چاہتی ہے۔ملک میں سرمایہ کاری کیلئے راستہ ہموار ہوچکا ہے اور حکومت غیر ملکی، بالخصوص ترک تاجروں اور سرمایہ کاروں کی افغانستان کے مختلف شعبوں میں سرمایہ کاری کی حمایت کرتا ہے۔